सरकारले संविधान दिवसको अवसरमा विभिन्न मानपदवी वितरण गरेको छ। डा. सन्दुक रुइतले सुप्रसिद्ध जनसेवाश्री (प्रथम) प्राप्त गरेका छन् ।

पाँच सय ९४ जनालाई वितरण गरिएको मानपदवी र विभुषण मध्ये अख्तियार दुरुपयोग अनुसन्धान आयोगका पूर्वप्रमुख आयुक्त नवीन घिमिरेपनि छन् । उनीसहित सर्वोच्चका न्यायाधीश दीपक कार्की, प्रधानसेनापति पूर्णचन्द्र थापा र सशस्त्र प्रहरी बलका महानिरीक्षक शैलेन्द्र खनाललाई सुप्रसिद्ध जनसेवाश्री (दोस्रो) प्रदान गरिएको छ ।

घिमिरेले जनसेवाश्री पदक पाएपछि सरकारले गतल मान्छेलाई मान पदवी वितरण गरेको भन्दै आलोचना सुरु भएको छ । अख्तियार दुरुपयोग अनुसन्धान आयोगको प्रमुख आयुक्त रहँदा भ्रष्टार छानविन नगरेकैले उनलाई पदक दिईएको भन्दै आलोचना भईरहेको छ ।

२०७५ असोज २ गते अख्तियार प्रमुखको जिम्मेवारीमा आएका घिमिरेल नवीन घिमिरेले २ वर्षको कार्यकालमा हजार घुस लिनेमाथि स्टिङ अप्रेसन चलाउने तर अर्बौं घुसको डिल गर्नेलाई छुँदै नछोएको भन्दै आलोचना हुने गरेको छ । तत्कालीन सञ्चारमन्त्री गोकुल बाँस्कोटा र ललिता निवास जग्गाकाण्ड प्रकरणमा घिमिरेले अपजस खेप्नु परेको छ ।

रेल्वेको ठेक्का, वाइडबडीको भ्रष्टाचार, नेपाल आयल निगमको जग्गा खरिद गर्दा एक अर्ब ३० करोडको भ्रष्टाचार काण्डलगायत सबैलाई घिमिरेले तामेलीमा राखेर ओली सरकारलाई चोख्याएका छन् ।

यस्ता धेरै प्रकरणमा अख्तियारले आफनो उपस्थिती जनाउन नसक्नुको दोस घिमिरेलाई नै जान्छ । घिमिरेले कार्यकारी र उच्च राजनीतिक व्यक्तिमाथि मुद्दा चलाउन नखोजेकै कारण उनलाई सरकारले पदक प्रदान गरेको आरोप लाग्ने गरेको छ ।

यस वाहेक यो वर्ष नेपालरत्न, राष्ट्रगौरव तथा राष्ट्रदीप जस्ता उच्च विभूषण कसैलाई दिइएन ।