तेह्रथुममा दुई जनाको हत्याका आरोपीलाई प्रहरीले १६ वर्षपछि पक्राउ गरेको छ ।

हत्या आरोपी तत्कालिन जिरिखिम्ति गाविस– ८ का २१ वर्षीय फुलकुमार शेर्पालाई ईलामको सुर्योदय नगरपालिका–१२ बाट पक्राउ गरिएको हो ।

शेर्पा २०६१ फागुन २२ गते जिरिखिम्तीमा पाँचथरको साविक रानीगाउँ गाविस–८का नरेन्द्र पाण्डे र तेजबहादुर नेपालीको हत्या गरी भागेका थिए ।

खेमबहादुर पाण्डेको जाहेरीका आधारमा प्रहरीले शेर्पा सहित ५ जनालाई प्रतिवादी वनाएर कर्तव्य ज्यान मुद्धाको अनुसन्धान गरेर अदालतमा पेश गरेका थियो ।

प्रतिवादी मध्येका फुल कुमार शेर्पालाई जिल्ला अदालत तेह्रथुमको २०६६ मंसीर १६ गते फैसलना अनुसार कर्तव्य ज्यान मुद्दामा जन्मकैद र चोरी मुद्दामा ६ बर्ष कैद सजाय भएको छ । शेर्पा भने फरार थिए।

जिल्ला प्रहरी कार्यालय तेह्रथुमले फरार प्रतिवादी पक्राउ गर्न टोलि गठन गरेर असोज १ गते उनलाई पक्राउ गरेको जिल्ला प्रहरी कार्यालय तेह्रथुमका इन्स्पेक्टर तेजबहादुर दाहालले बताए ।