मकवानपुरको मनहरी गाउँपालिकावाट प्रहरीले मंगलवार १ सय ४ किलो गाँजासहित तीन जनालाई पक्राउ गरेको छ ।

प्रहरी चौकी सुनाचुरीवाट खटिएको प्रहरीले मनहारी ६ स्थित लोथर खोलाको बगरवाट राक्सिराङ गाउँपालिका –९ का २६ वर्षिय रुप खड्का ठकुरी (कपिल), ३० वर्षिय टलक बहादुर घलान र २७ वर्षिय मदन कोईरालालाई पक्राउ गरेको हो ।

उनीहरुले प्लास्टिकको बोराको भारी बनाई गाँजा तस्करी गरिरहेका थिए । उनीहरुको भारी चेकजाँच गर्दा १ सय ४ किलो गाँजा वरामद भएको जिल्ला प्रहरी कार्यालय मकवानपुरका डिएसपी इन्द्रवहादुर रानाले वताए ।

घट्नाको थप अनुसन्धान भईरहेको रानाले जानकारी दिए ।