पहिरोले पुरिएर एकै परिवारका ६ जना वेपत्ता
अविरल वर्षासँगैको पहिरोमा पुरिएर पाल्पामा ६ जना बेपत्ता भएका छन्।
विहिवार विहानको पहिरोमा परी रम्भा गाउँपालिका २ फोक्सिङकोटस्थित बेलङ्जाका हुमबहादुर गाहा र मन बहादुर गाहाको घर पुरिदा ६ जना बेपत्ता भएका हुन् ।
करिब ४ बजेतिर गएको पहिरोमा परेर हुमबहादुर गाहा, उनकी पत्नि धनिसरा, छोरी कृष्णा, नातिनिहरू आशिका र खुमिसरा बेपत्ता भएको प्रहरीले जनाएको छ । स्थानीयले बेपत्ताको खोजी गरिराहेका छन्, घटनास्थलमा प्रहरी पुग्न सकेको छैन् ।
विकट क्षेत्र भएकाले सुरक्षाकर्मी पुग्न अझै समय लाग्ने जिल्ला प्रहरी कार्यालय पाल्पाका एसपी सन्तोष कुमार भट्टराईले वताए ।
जनाकारी दिए।
‘घट्नास्थल जान हिडेको प्रहरी टोली पहिरोका कारण अड्कीएको छ’ उनले भने –‘गाडीबाट उत्रिएर करिब ढेड घण्टा पैदल हिडेपछि बल्ल घटनास्थलमा पुगिन्छ ।’
यसैगरी, रम्भा गाउँपालिका–२ कै सुरुङडाँडामा पहिरोले घर पुरिँदा एक महिला बेपत्ता भएको गाउँपालिका अध्यक्ष विष्णुप्रसाद भण्डारीले जानकारी दिए ।
