वालिङ नगरपालिका–१४ तमादीका एकै परिवारका ९ जना र कालीगण्डकी गाउँपालिका–४ मा खसेको पहिरोमा १ जना गरी १० जनाले मृत्यु भएको हो।
तमागीमा परिवारकै १० जना पहिरोमा वेपत्ता भएकोमा ९ जनाको शव फेला परेको छ । एक जनाको जिवितै उद्धार गरिएको छ।

तमादीमा ६० वर्षीया सानी नेपाली, ४८ वर्षीया माया नेपाली, २८ वर्षीया उमाकला नेपाली, ३० वर्षीय दीपक नेपाली, २१ वर्षीय कुलदीप नेपाली, १६ वर्षीया विनिता नेपाली, १४ वर्षीय विक्रम नेपाली र ९ वर्षीय विवश नेपालीको मृत्यु भएको स्याङ्जाका प्रहरी डीएसपी राजेन्द्र अधिकारीले जानकारी दिए ।

दिदी उमाको घरमा पाहुना आएकी मायाको पनि पहिरोमा मृत्यु भयो । दीपक, कुलदीप, विक्रम र विवश उनका छोराहरु हुन् । बिनिता र कुलदीपसहित उनका ७ महिने शिशुको पनि मृत्यु भएको प्रहरीले जनाएको छ ।

पहिरोमा पुरिएर घाइते बनेकी मायाकी १६ वर्षीया छोरीलाई उपचारका लागि पोखरा पठाईएको छ ।
यसैगरी, स्याङ्जाकै कालिगण्डकी गाउँपालिका–४ मा पहिरोमा पुरिएर १६ वर्षीय विष्णु दमाइको मृत्यु भएको प्रहरीले जनाएको छ ।