पूर्व राजदुत पुस्करमान सिंहको निधन
पाकिस्तानका लागि पूर्व राजदुत पुस्करमान सिंह राजभण्डारीको ८० वर्षको उमेरमा शुक्रवार निधन भएको छ ।
हात्तीगौडास्थित आफ्नै घरमा उनको निधन भएको हो । शनिबार बिहान उनको अन्तिम संस्कार गरिएको छ ।
राजभण्डारी सन् २००३ देखि सन् २००६ सम्म पाकिस्तानको राजदूत थिए ।
सन् १९६९ मा शाखा अधिकृतबाट परराष्ट्र सेवामा प्रवेश गरेका राजभण्डारीले पाकिस्तान, रुस, चीन र थाइल्यान्डस्थित नेपाली नियोगमा विभिन्न पदमा रहेर काम गरेका छन् ।
