रौतहटको देबाही–गोनाही नगरपालिका–५ टिकुलियामा शुक्रबार बेलुकी एक दम्पतीमाथि आक्रमण हुँदा पत्नीको मृत्यु भएको छ।

राती करिव साढे १० बजे खाना खाएर गफ गरिरहेका ४५ वर्षीय महेश तिवारी र पत्नी जगरनियादेवीलाई छिमेकी सोनियालाल मुखिया र उनका छोरा प्रदीप मुखियाले धारिलो हतियारले आक्रमण गरेका थिए । घटनामा पत्निको मृत्यु भएको र महेश घाईते भएको प्रहरीले जनाएको छ ।

टाउकोमा गम्भीर चोट लागेपछि उपचारका लागि वीरगन्ज लगिएकी उनको सोहि क्रममा मृत्यु भएको इलाका प्रहरी देवाहीले जनाएको छ । महेशको आईसीयूमा राखेर उपचार भइरहेको छ । 

दुवै परिवार विच पुरानो रिसिवि भएको स्थानीयले वताएका छन् । प्रहरीले आरोपित ३ जनालाई पक्राउ गरेको छ भने सोनियालाल र प्रदीप फरार रहेको प्रहरीको भनाई छ ।