नेपालमा विगत २४ घण्टामा १५ सय ५९ जनालाई कोरोना संक्रमण पुष्टि भएको छ ।

योसँगै नेपालमा कोरोना संक्रमितको संख्या ७७ हजार ८ सय १७ पुगेको छ । 

स्वास्थ्य तथा जनसंख्या मन्त्रालयका अनुसार वुधवार पुष्टि भएका मध्ये ९ सय २ जना काठमाण्डू उपत्यकाका हुन्।

यस अवधिमा कोरोना संक्रमण भएका ७ जनाको मृत्यु भएको छ । योसँगै मृतकको संख्या ४ सय ९८ पुगेको छ ।

मन्त्रालयका अनुसार काठमाडौंमा २ महिला र १ पुरुष, सुनसरी, मोरङ, सप्तरी र रुपन्देहीमा १÷१ पुरुषको मृत्यु भएको छ । संक्रमित हुनेहरुबाट मृत्युको प्रतिशत शून्य दशमलव ६५ प्रतिशत छ ।

यसैगरी २४ घण्टामा १ हजार ५७ जना रोगमुक्त भएकाको मन्त्रालयका प्रवक्ता डा. जागेश्वर गौतमले जानकारी दिए । योसहित कोरोना संक्रमण मुक्त हुनेको संख्या ५६ हजार ४२८ पुगेको छ ।

मुलुकभर २० हजार ८९१ जनामा सक्रिय संक्रमित भएको मन्त्रालयले जनाएको छ ।