सप्तरी– देशभर कोरोना संक्रमितको संख्या वढिरहेका वेला सप्तरीमा पनि संक्रमिततको संख्या थपिदै गएको छ । वुधवार जिल्लामा २ प्रहरीसहित ३२ जना कोरोना संक्रमित फेला परेका छन् ।

योसहित सप्तरीमा कोरोना संक्रमितको संख्या ९ सय ७३ पुगेको छ ।

राजविराज स्थित गजेन्द्रनारायण सिंह अस्पतालले सार्वजनिक गरेको रिपोर्ट अनुसार इलाका प्रहरी कार्यालय सखडामा कार्यरत महोत्तरी निवासी २३ वर्षिय र पर्षा जिल्ला निवासी २० वर्षिय प्रहरीलाई कोरोना संक्रमण पुष्टि भएको हो । 

यसैगरी छिन्नमस्ता गाउँपालिका ३ का ३२ वर्षिय पुरुष र २७ वर्षिय महिलामा पनि कोरोना संक्रमण पुष्टि भएको छ। 

यस्तै, राजविराज १ मा एक महिलासहित ३ जना, राजविराज २ मा ३ जना, राजविराज ४ मा १ जना, राजविराज ६ मा २ महिलासहित ४ जना, राजविराज ७ मा ६ महिलासहित १२ जना, राजविराज ८ मा १ जना, राजविराज ९ मा २ जना, राजविराज १० मा १ जना, राजविराज स्थित अनार भुवनेश्वर अस्पतालका १ जना, विष्णुपुर गाउँपालिकामा १ जनालाई कोरोना संक्रमण पुष्टि भएको स्वास्थ्य कार्यालय सप्तरीका निमित्त कार्यालय प्रमुख दुनियाँलाल यादवले वताए ।

सप्तरीमा हालसम्म ८ जना संक्रमितको मृत्यु भएको छ भने ६ सय ७९ जना निको भएका छन्।