‘गणतन्त्र आउनु भनेको बयलगाडा चढेर अमेरिका पुग्नुजस्तै हो’ भनेका प्रधानमन्त्री केपी शर्मा ओलीको विरोधमा आईतवार काठमाण्डौका विभिन्न स्थानमा वयलगाडा प्रदर्शन गरिएको छ ।

प्रधानमन्त्री ओलीले संसद विघटन गरेको विरोधमा सत्तारुढ दल नेकपाकै दाहाल–नेपाल समूहका विद्यार्थीहरुले सांकेतिक रुपमा बयलगाडा प्रदर्शन गरेका हुन्। 

ओलीले २०६२÷०६३ को जनआन्दोलनका समयमा ‘गणतन्त्र आउनु भनेको बयलगाडा चढेर अमेरिका पुग्नुजस्तै हो’ भन्दै अभिब्यक्ति दिएका थिए । सोहि अभिब्यक्तिको व्यंग्य गर्न बयलगाडा प्रदर्शन गरिएको विद्यार्थीले जनाएका छन् ।

ललितपुरको पाटनमा आयोजित प्रदर्शनमा प्रहरीले हस्तक्षेप गरेको छ । प्रहरीले बयलगाडा खोस्न खोजेपछि केहीबेर तनाव भएको विद्यार्थीहरुले जानकारी दिए ।