पाकिस्तानस्थित संसारको दोस्रो सर्वोच्च शिखरमा ‘केटु हिमाल’ नेपालका १० जना पर्वतारोहीले शनिबार आरोहण गरी रेकर्ड वनाएका छन् । 

आठ हजार मिटरभन्दा माथिका शिखरमध्ये यो हिमाल मात्र हिउँदमा आरोहण हुन नसकेको वेला नेपाली टोलीले आरोहण गरेर नयाँ रेकर्ड वनाएको हो ।

नेपालका निर्मल (निम्सदाइ) पुर्जा, मिङ्मा जी शेर्पा, गेल्जे शेर्पा, दावा तेम्बा शेर्पा, पेमछिरी शेर्पा, किलुपेम्बा शेर्पा, दावा तेन्जिङ शेर्पा, मिङ्मा डेभिड शेर्पा, मिङ्मा तेन्जी शेर्पा र सोना शेर्पाले ८ हजार ६११ मिटर अग्लो शिखरको सफल आरोहण गरेका छन् । दश मध्ये मिङ्मा जी शेर्पाले अक्सिजनबिना नै आरोहण गरेका छन् ।

शनिबार साँझ ५ः४५ बजे (स्थानीय समयअनुसार ५ बजे) हिमाल आरोहण गरिएको जनाईएको छ । सुरुमा तीन ओटा समूहमा विभाजित पर्वतारोहीहरू अन्तिममा एकसाथ शिखरमा पुगेका थिए ।