धन कमाउन मलेशिया पुगेर उतै ज्यान गुमाएका १७ जना नेपालीको शव स्वदेश ल्याइएको छ । नेपाल वायुसेवा निगमको वाइडबडी बिमानबाट आज उनीहरूको शव नेपाल ल्याइएको हो ।

मलेशियामा मृत्यु भएकाको शव ल्याउनका लागि निगमको जहाज शुक्रबार राति मलेशिया गएको थियो । निगमले नै उनीहरुको शव नेपाल ल्याउन पहल गरेको हो ।

मृतकका परिवारको पीडालाई बुझेर निगमले नाफाभन्दा पनि सामाजिक उत्तरदायित्व बहन गर्न मलेशियामा मृत्यु भएकाको शव नेपाल ल्याइएको निगमका प्रवक्ता करिश्मा श्रेष्ठले बताए ।