प्रदेश १ का मुख्यमन्त्री शेरधन राईको वैवाहिक समारोह आज राजधानीको एक पार्टी प्यालेसमा जारी छ ।

४९ वर्षिय राईले २३ वर्षीया मोडल जाङ्मु शेर्पासँग विवाह गर्दैछन। उनीहरु केही समयदेखि प्रेम सम्वन्धमा थिए । कोरोनाका कारण मुख्यमन्त्रीको विवाहमा थोरै संख्यामा जन्ती लगिएको छ । दुई पक्षका गरी करिब ४० जना मात्रै विवाहमा सहभागी छन् ।

आफ्नो समुदायको परम्परागत पोशाकमा सजिएका राई करिब ११ बजेतिर समारोहस्थलमा प्रवेश गरेका थिए । पर्यटनमन्त्री भानुभक्त ढकाल लगायत नेकपाका केही नेताहरु विवाहमा सहभागि भएका छन् । विवाह समारोहमा मिडियालाई प्रवेश दिइएको छैन ।

विवाहपछि आजै बेलुकी रिसेप्सन आयोजना गरिँदै छ । रिसेप्सनमा भने राष्ट्रपति–प्रधानमन्त्रीलगायत भीआइपीहरुलाई पनि निम्ता छ ।