आफनै साथीकी ११ वर्षिया छोरी वलात्कार गरेको आरोपमा विरगञ्जवाट प्रहरीले एक भारतीय नागरिकलाई पक्राउ गरेको छ ।

भारत विहारस्थित पलनवा ग्राम पंचायत लौकरिया– घर भई पर्साको बीरगञ्ज महानगरपालिका– १ मा वस्दै आएका ३५ वर्षिय अरुणायन (नाम परिवर्तन) की छोरीलाई वलात्कार गरेको आरोपमा पश्चिमी चम्पारण स्थित चनपटिया ग्राम पंचायत टिकुलीया–१३ का ३४ वर्षिय नेहाल मियाँलाई प्रहरीले पक्राउ गरेको हो ।

माघ ९ गते कोठा खोज्दै अरुणायनको कोठामा पुगेका नेहाल राती उनकै घरमा सुतेका थिए । उनले राती करिव साढे १० वजे अरुणायनकी ११ वर्षिया छोरीलाई वलात्कार गरेको र वालिका कराएपछि त्यहाँवाट फरार भएको प्रहरीले जनाएको छ ।

उनलाई प्रहरीले पक्राउ गरी थप अनुसन्धान भईरहेको जिल्ला प्रहरी कार्यालय पर्साले जनाएको छ ।