जुम्ला तिला गाउँपालिकाको गोठी गाउँमा भीषण आगलागी भएको छ । मंगलबार बेलुका ६ बजेदेखि सुरु भएको आगलागी रातभर नियन्त्रणमा आएको थिएन। 

आगलागीबाट ३० घर जलेर नष्ट भएका छन् । घटनास्थलमा १९ जना नेपाल प्रहरी, ११ जना सशस्त्र प्रहरी र स्थानीयहरुले आगो नियन्त्रणको प्रयास गरेका थिए ।

सुधारिएको चुल्होको माथिल्लो भागबाट एक घरको छानोमा रहेको घाँसमा आगो सल्किएपछि गाउँभरि फैलिएको थियो ।

२०÷२५ वटा पशुचौपायाको जलेर मृत्यु भएको जनाईउको छ । 

यसैविच राष्ट्रपति विद्यादेवी भण्डारीले आगलागीबाट दुइ दर्जनभन्दा बढी घरसहित अन्नपात र पशुपंक्षीको क्षति भएको प्रति दुःख ब्यक्त गरेकी छिन् । वुधवार ट्वीट गर्दै उनले लेखेकी छिन्–‘अग्नीपीडितहरूप्रति गहिरो सहानुभूति व्यक्त गर्दै पीडित परिवारका लागि राहत एवं पुनर्सपनाको आवश्यक व्यवस्था मिलाउन सम्बद्ध पक्षको ध्यान आकर्षण गराउँदछु।’