नेकपा (दाहाल–नेपाल समुह) का वरिष्ठ नेता झलनाथ खनालले प्रधानमन्त्री केपी शर्मा ओली पैसा खर्च गरेर केन्द्रिय सदस्य तान्न खोजेको आरोप लगाएका छन् ।

वहुमत सदस्य आफुहरुसँग भएकाले ४० प्रतिशत पुर्याउन ओलीले पैसा खर्च गर्न थालेको उनको भनाई छ । ‘बहुमत हामीसित छ । पैसा दिएर केही मानिस लैजान खोज्दै छन् । तर, सम्भव छैन’ उनले भने–‘दल ऐनले पार्टी फोर्न दिँदैन, ४० प्रतिशत नपु¥याई ओलीले पार्टी विभाजन गर्न सक्तैनन्।’

शुक्रबार विराटनगरमा नेकपाको विरोधसभालाई सम्बोधन गर्दै उनले स्वार्थीहरु ओलीसँग जाने र बालुवाटारको गुट भेलामा बस्ने गरेको आरोप पनि उनले लगाए । एमाले र माओवादी पार्टी अव इतिहास भइसकेको उनले बताए ।

प्रधानमन्त्री ओलीलाई ठग भन्दै उनले आधुनिक समयको सकुनीको संज्ञा पनि दिए । 

देशबाट शोषण, दमन सकिन्छ भन्ने आश रहेकोमा ७० वर्षपछि बनेको कम्प्युनिस्टको सरकार ओलीले नष्ट गरेको उनले वताए ।