वागमती प्रदेशका मुख्यमन्त्री डोरमणी पौडेलले भरतपुरको जनसभा देखेर विरोधीहरुलाई हर्टएट्याक आउन सक्ने वताएका छन् ।

शनिवार चितवनको भरतपुरमा सिटिहल सिलान्यास समारोहलाई सम्वोधन गर्दै उनले यस्तो वताएका हुन । ‘यो जनसागरले विरोधीहरुको मुटु थर्किने मात्र होईन हर्ट एट्याक हुनेछ’ उनले भने–‘ आईसियुमा भर्ना हुने छन् । त्यसैले अस्पतालका डाक्टरहरुलाई आईसियु वेड खाली राख्न आग्रह गर्छु ।’

उनले नारायणी पुलमा निगरानी गर्न पनि आग्रह गरे । ‘नारायणीमा आत्महत्या गर्न सक्छन् । निगरानी गर्नुपर्छ’ उनले भने–‘आत्महत्या गर्न दिनुहुन्न।’

मतपत्र चपाएर र च्यातेर विजय हुनेहरु प्रधानमन्त्रीको कार्यक्रम वहिस्कार गरेर र विज्ञप्ति जारी गरेर वसेको पनि उनले वताए । ‘प्रधानम्त्रीलाई अपमान गर्ने हैसियत कस्ले दियो ?’– उनले प्रश्न गरे ।

प्रधानमन्त्री केपी शर्मा ओलीले सिलान्यास गर्ने भएपछि आफनै महानगरमा बन्न लागेको सिटी हल शिलान्यास समारोह मेयर रेणु दाहालले बहिष्कार गरेकी छन् । 

मेयर दाहालले भने महानगरपालिकासँग समन्वय नगरी शिलान्यास गरिएकाले आफू सहभागी नभएको बताएकी छन् । मेयरसहित प्रचण्ड माधव नेपाल पक्षले प्रधानमन्त्रीको विरोध गरेका छन् ।

मुख्यमन्त्री पौडेलले केपी शर्मा ओलीको कुशल नेतृवको पछाडि गोलवन्द हुन आग्रह पनि गरे ।