गृहमन्त्री रामवहादुर थापा ‘वादल’ ले प्रचण्ड–माधव समुहलाई आत्मआलोचनासहित पार्टीमा फर्किन आग्रह गर्दै मतपत्र च्यात्नु नपर्ने गरी चुनावमा भाग लिन  र प्रधानमन्त्री वन्न आग्रह गरेका छन् ।

चितवनको भरतपुर महानगरपालिकामा शनिवार आयोजित सिटिहल सिलान्यास समारोहलाई सम्वोधन गर्दै उनले यस्तो वताएका हुन । देश चुनावमा होमीएकाले सवै मिलेर यो अभियानलाई सफल वनाउनु पर्ने उनले वताए । ‘म अवसरवादीहरुलाई पनि आग्रह गर्न चाहान्छु’ प्रमण्ड माधवको नाम नलिईकन उनले भने–‘फर्केर आउनोस। मतपत्र च्यात्नु पर्दैन, जनताको मत लिएर प्रधानमन्त्री वन्नुहोस।’

‘देश निर्वाचनमा होमिएको छ । जनलहर हेर्दा हामीले निर्वाचन जितिसकेका छौ’ उनले अगाडि भने–‘अवसरवादीलाई आह्वान गर्छौ निर्वाचनमा भाग लिनोस्। यो प्रधानमन्त्री वन्ने अवसर हो । जनताको विस्वास र ताजा जनादेशवाट प्रधानमन्त्री वन्नोस। मतपत्र च्यात्नु आवश्यक छैन। आउनोस फेरी पार्टीमा फर्कनोस ।’

अवसरवादीहरुले प्रधानमन्त्रीलाई हटाउने÷अवधस्त गर्ने षडयन्त्र गरेकाले त्यसलाई विफल गर्न संसद विघटन गर्ने एतिहाँसिक र वाध्यात्मक कदम उठाउनु परेको उनले दावी गरे। ‘उनीहरु संसदको दुरुपायोग गरेर नेतृत्वलाई अपधस्त गर्न चाहान्थे। त्यसलाई असपल पार्न ऐतिहासिक र वाध्यात्मक कदम लिईएको हो ।’– उनले भने।