नागढुङ्गावाट स्रोत नखुलेको डेढ करोड रुपैयाँसहित भारत गोरखपुरका ३० वर्षीय अमितकुमार गुप्ता र कपिलवस्तु वाडगंगा नगरपालिका–४ का २२ वर्षीय संगम थारूलाई प्रहरीले पक्राउ गरेको छ ।

सोमबार बिहान १ करोड ४७ लाख ८६ हजार रुपैयाँसहित उनीहरुलाई पक्राउ गरिएको हो । भारत हुँदै कपिलवस्तुबाट काठमाडौंतर्फ आउँदै गरेको प्रदेश ३–०१–०२३ च २२५९ नम्बरको कारलाई रोकेर चेकजाँच गर्दा रकम वरामद भएको नागढुंगा प्रहरीले जनाएको छ ।

महानगरीय प्रहरी प्रभाग नागढुंगाबाट खटिएको प्रहरीले जाँच गर्ने क्रममा कारभित्र तीनवटा झोलामा लुकाइ ल्याएको रकम फेला परेको थियो ।

 

सुन किन्न वा अपराधिक कामका लागि प्रयोग गर्ने मनसायले पैसा ल्याएको हुन सक्ने आशंकामा प्रहरीले घटनाको अनुसन्धान भईरहेको काठमाडौं प्रहरी परिसरले जनाएको छ ।