सुदूरपश्चिम प्रदेश सरकारकाका आर्थिक मामिला तथा योजना मन्त्री झपटबहादुर बोहराले पदबाट राजीनामा दिएका छन्। धनगढीमा पत्रकार सम्मेलनको आयोजना गरी उनले वुधवार राजीनामा दिएको जानकरी दिए ।

राजनीतिक अवस्थाका कारण काम गर्न नसकिने अवस्था आएपछि राजीनामा दिएको उनले वताए ।
बोहरा २०७४ सालमा भएको निर्वाचनमा अछाम क्षेत्र नम्बर २ को प्रदेश ‘ख’ बाट निर्वाचित भएका थिए।  

तत्कालीन माओवादी केन्द्रबाट वामगठनबन्धका उम्मेदवार बनेका बोहरालाई मुख्यमन्त्री त्रिलोचन भट्टले फागुन ५ गते आर्थिक मामिला तथा योजना मन्त्रीमा नियुक्त गरेका थिए।  

उनले राजीनामा दिएसँगै आफू प्रधानमन्त्री केपी शर्मा ओली पक्षीय नेकपामा रहेको खुलाएका छन्।

प्रदेशसभामा जम्मा ५३ सांसदमध्ये १२ कांग्रेसका, २ जनता समाजवादी पाटीका र बाँकी ३९ जना नेकपाका छन्। अब ओलीको पक्षमा उनीसहित पूर्वभौतिक पूर्वाधार तथा योजना मन्त्री पठानसिह बोहरा, प्रदेशसभा सदस्य नेपालु चौधरी, लिलाधर भट्ट, रतन थापा, महेशदत्त जोशी र ग्याल्बु बोहरा खुलेका छन्।