मुगुमा मंगलबार भएको बस दुर्घटनामा घाइते भएका १४ जनालाई थप उपचारका लागि नेपालगञ्ज लगिएको छ ।

दुर्घटनामा घाइते भएकामध्ये १२ जनालाई समिट एयरको विमानबाट र २ जनालाई नेपाली सेनाको हेलिकप्टरबाट नेपालगञ्ज लगिएको कर्णाली प्रदेश प्रहरी कार्यालयले जनाएको छ। घाइतेमध्ये एक जनालाई आफन्तले जिल्ला अस्पताल गमगढी लगेका छन् ।

सुर्खेतबाट मुगुको सदरमुकाम गमगढीतर्फ गएको भे १ ख ३१६७ नम्बरको बस छायाँनाथ रारा नगरपालिका–७, पिना झ्यारीखोलामा दुर्घटना भएको थियो ।

दुर्घटनामा २३ जनाको मृत्यु भएको छ । बस सडकबाट साढे दुई सय मिटर तल खसेको थियो ।
कर्णाली प्रदेश प्रहरी कार्यालयका प्रहरी निरीक्षक जीवन लामिछानेका अनुसार नेपालगञ्ज विमानस्थलमा ९ वटा एम्बुलेन्स पनि तयारी अवस्थामा राखिएको छ । हेलिकप्टर र जहाजमा ल्याइएका घाइतेहरूलाई ती एम्बुलेन्सले अस्पताल पु¥याउनेछ ।

यो पनि

मुगुमा यात्रु बस दुर्घटनाहुँदा २२ जनाको को मृत्यु