राष्ट्रिय एकता अभियानका अध्यक्ष विनय यादवलाई प्रहरीले पक्राउ गरेको छ। पाकिस्तानी राजदुतावास अगाडिवाट उनीसहित ४१ जनालाई महाराजगञ्ज प्रहरीले पक्राउ गरेको हो ।

वंगलादेशमा हिन्दुहरुको मन्दिर र मुर्ती तोडफोड गरेको विरोधमा प्रदर्शन गर्न खोजिरहेका वेला उनलाई पक्राउ गरिएको प्रहरीले जनाएको छ । उनलाई मुद्दा चलाउने वा रिहा गर्ने विषयमा आन्तरिक तयारी भईरहेको जनाईएको छ।

मन्दिर र मुर्ति तोडफोड भएको घटनाको निन्दा गर्दै अभियानले बंगलादेशका प्रधानमन्त्रीलाई ज्ञापनपत्रसमेत पठाएको थियो । 

अध्यक्ष यादवको नेतृत्वको टोलीले नेपालका लागि बंगलादेशी राजदूत सालाऊदीन रमन चौधरी मार्फत प्रधानमन्त्री शेख हसिनासमक्ष ज्ञापन पत्र बुझाएको थियो । बंगलादेशको सरकारसँग जिहादी आक्रमणकारीहरुविरुद्ध कठोर कदम चाल्न ज्ञापन पत्रमा माग गरिएको थियो । 

बंगलादेशमा हिंसा फैलिएपछि ६ जनाभन्दा वढिको मृत्यु भएको थियो भने १०० भन्दा बढी घाइते भएका थिए । १७ हिन्दू मन्दिरहरुमा हमला भएको छ र त्यहाँका मूर्तिहरु तोडफोड गरिएको थियो ।
 

विनय यादव