रक्षामन्त्री डा. मिनेन्द्र रिजालले कम्युनिष्टले सरकार चलाउन नजानेपछि कांग्रेस अघि सर्नु परेको दावी गरेका छन् ।

कांग्रेस छथर जोरपाटी गाउँपालिका–६ को वडा पार्टी कार्यालय उद्घाटन गर्न धनकुटा आएका मन्त्री रिजालले कम्युनिष्टले देश हाक्न नसकेको वताए । कांग्रेस पाँच वर्ष प्रतिपक्षमा बस्न तयार रहेको भए पनि कम्युनिष्टहरूले देश हाँक्न नजानेपछि सरकारमा जानुपरेको उनले प्रष्ट्याए ।

कांग्रेसको आगामी महाधिवेशन सकेसम्म सहमतिमै हुनुपर्ने उनको भनाइ छ । तर, सहमति नभए प्रतिष्पर्धाबाट चुनिएका नयाँ नेतृत्वले संगठनलाई पुनःऊर्जा गर्ने मन्त्री रिजालले बताए ।

यो महाधिवेशनमा रुखको पुराना पात झरेर नयाँ पात पलाउनु पर्ने उनी बताउँछन् । रिजालले महाधिवेशनमा नयाँ नेतृत्व उदय हुने दावी गर्दै पुरानो नेतृत्वलाई ‘रुखको पुरानो पात झरेर नयाँ पात पलाउने’ वताए ।

पार्टीमा नयाँ नेतृत्व आउन जरुरी रहेको भन्दै उनले यस महाधिवेशनबाट रुखको पुरानो पात झरेर नयाँ पात पलाउनु पर्ने बताएका थिए । कांग्रेस केन्द्रीय सदस्यसमेत रहेका मन्त्री रिजालले सकेसम्म सहमति र सहमति नभए स्वस्थ प्रतिष्पर्धाबाट पार्टीको संगठनलाई पुनःउर्जा प्रदान गरिनुपर्ने बताए।