चार सन्तानकी आमा एवम् एकल महिलालाई १० वर्षदेखि वन्धक वनाएर यौन शोषण गरेको आरोपमा उदयपुर प्रहरीले एक वकिल (अधिवक्ता) लाई पक्राउ गरेको छ ।

उदयपुर बार एशोसियनका सदस्यसमेत रहेका सुमन उर्फ किरण केसीलाई सोमवार प्रहरीले पक्राउ गरेको हो । उदयपुरकै चौदन्डीगढी नगरपालिका ८ स्थायी घर भएकी ४० वर्षिया पीडित महिलाले जिल्ला प्रहरी कार्यालय उदयपुरमा दिएको जाहेरीका आधारमा प्रहरीले केसीलाई पक्राउ गरेको हो ।

बेलका नगरपालिका ७ रामपुर ठोक्सिलाका स्थायी वासिन्दा केसी विरुद्ध प्रहरीले जवर्जस्ती करणीको मुद्दामा अनुसन्धानका लागि म्याद थप गरेको छ । जाहेरीमा महिलाले मुलुकी अपराध संहिता २०७४ को फौजदारी कसूरअनुसारको अपराधमा सजाय माग दावी गरेकी छन् ।

पीडित एकल महिलाले जाहेरीमा दश वर्षदेखि बन्धक बनाई जवर्जस्ती करणी गरेको उल्लेख छ । आरोपित वकिल केसीले शुरुमा श्रीमती बनाउने प्रलोभन दिएर त्रियुगा नगरपालिका–१२, तल्लो गाईघाटमा घरभाडा लिएर राखेका थिए । पीडित महिलाका अनुसार पछिल्लो पटक १३ गते वकिल केसीले जवर्जस्ती करणी गरेका थिए ।

श्रीमानको निधन भएपछि घर गुजाराका लागि वैदेशिक रोजगारीमा गएकी ति महिलाले कमाएको तीन लाख ५० हजार रुपैयाँसमेत कसीले खर्च गरेर सकेको वताएकी छिन् ।
 

एकल महिला वन्धक वनाएर यौन शोषण वकिल पक्राउ