निर्माणाधिन घरको चौथो तलावाट लडेर नेपाल वायु सेवा निगमका पूर्वअध्यक्ष रामाज्ञाप्रसाद चतुर्वेदी निधन भएको छ।

काठमाडौंको चाबहिलस्थित बुलबुलेमा निर्माणाधीन ८ तले घरको चौथो तलाबाट खसेर चतुर्वेदीको मृत्यु भएको प्रहरीले जनाएको छ । 

महानगरीय प्रहरी वृत्त गौशालाले टाउको पछाडि चोट लागेको र मृत अवस्थामा उनलाई फेला पारेको छ ।
उनको मोबाइल फोन निर्माणाधीन घरको चौथो तलामा भेटिएको छ। प्रहरी स्रोतका अनुसार भने चतुर्वेदी सो निर्माणाधीन घरभित्र प्रवेश गरेको र खसेको दृश्य नजिकै रहेको सीसीटीभीमा समेत कैद भएको छ । सो सीसीटीभी फुटेजको प्रारम्भिक अध्ययनअनुसार उनले आत्महत्या गरेको हुनसक्ने देखिन्छ ।

पारिवारिका स्रोतका अनुसार चतुर्वेदी केही समयदेखि डिप्रेसनमा समेत रहेका थिए ।