नेकपा एकीकृत समाजवादीका अध्यक्ष माधवकुमार नेपालले समाजवादी पत्रकार संगठनमा जँड्याहा पत्रकार रहेको पुष्टि गर्दै साँझ नपरी भट्टी छिर्न वन्द नगरे निको नमान्ने वताएका छन् ।

एकिकृत समाजवादी प्रेस संगठनको राष्ट्रिय भेलालाई सम्बोधन गर्दै अध्यक्ष नेपालले साँझ पर्ने वित्तिकै होटल धाउनैपर्ने र रक्सी नखाई निद्रै नलाग्नेहरुको बारेमा आफूले जानकारी राख्ने गरेको वताउँदै रक्सि खाएको थाहा पाए राम्रो नमान्ने चेतावनी दिएका हुन् ।

नेपालले भने–अस्ति सर्लाही जाँदा त्यहाँ सुनेँ,गर्मी महिनामा साढे सात बजे र जाडो मौसममा साढे पाँचै बजे होटलमा जम्मा हुने गर्छन् । टेबुलभरी बोतल र गिलास ठोकाठोक गर्ने अनि घरमा गएर झगडा गर्ने कुन पार्टीका मान्छे हुन् ? यो प्रश्न तपाईहरुलाई पनि उठेको छ । यस्तो बानी छ भने त्याग्नुस् । मैले थाहा पाएँ भने सहन्नँ ।

‘तपाईहरुमा पनि साँझ पर्ने वित्तिकै पाँचतारे होटल धाईधाईकन नखाईकन निन्द्रा नलाग्ने अवस्था पक्कै पनि छैन होला । यो कुरा भएको थाहा पाए भने म राम्रो मान्दिनँ । तपाईको स्वास्थ्यलाई पनि काम गर्छ’ उनले थपे–‘म सझुाव दिन चाहन्छु–रक्सीले मान्छेको स्वास्थ्य खत्तम पार्छ । राम्रो चिज खानुस् । राम्रो स्वास्थ्य बनाउनुस् । तगडा हुनुस् । दिगाग तिखो बनाउनु र राम्रो काम गर्नुस् ।’

अध्यक्ष नेपालले लेखनमा, भाषणमा र नयाँ सूचना प्रवृतिको प्रयोगमा शक्ति आर्जन गर्न पनि पार्टी निकट पत्रकारहरुलाई आग्रह गरे । उनले आफ्नो पार्टीले जनतालाई न्याय, समानता र समृद्धि दिलाउने गरी समाजवादको यात्रा तय गरेको दावी गरे । त्यसका लागि अहिले पनि व्यक्तिवाद, निरंकुशतावादविरुद्धको लडाई लडिरहनु परेको अध्यक्ष नेपालको भनाइ थियो । 
यो पनि

समाजवादी पत्रकारहरुद्वारा माधव नेपाल सहभागि कार्यक्रम वहिस्कार !

माधवकुमार नेपाल