मुगुको सदरमुकाम गमगढीको मुख्य बजारमा सोमबार राती भिषण आगलागि भएको छ । मध्ये राती सल्किएको आगोले २१ घरमा पुर्ण क्षति पुगेको छ । स्थानिय खिम्मे लामाको घरमा बालेको दियोबाट सल्किएको जनाएको छ ।

राती १२ बजेतिर सुरु भएको आगलागिले बजार क्षेत्रमा रहेका २१ घरमा पुर्ण क्षती भएको जिल्ला प्रशासन कार्यालय मुगुले जनाएको छ । 'मुख्य बजार क्षेत्रमा रहेका क्षतिग्रस्त घरहरु व्यापार व्यवशाय सञ्चालित थिए । २१ वटा घरमा रहेका पसल, लत्ता कपडा, खाद्यान्न तथा जिन्सी सामान सबै जलेर नस्ट भएको छ । यती नै क्षती भयो भनेर भन्न सकिने अवस्था छैन । निकै ठुलो धनराशीको क्षति भएको छ ।' जिल्ला प्रशासन कार्यालय मुगुका कम्प्युटर अपरेटर दिपक शाहीले बताउँछन् । 

नेपाली सेना, नेपाल प्रहरी, शसस्त्र प्रहरी तथा स्थानियले आगो नियन्त्रण गर्ने प्रयास गरेपनि सम्भव नभएको जिल्ला प्रहरी कार्यालय मुगुले जनाएको छ । आगलागी हुँदा १७ वटा घर र ३ वटा पसल जलेका छन् । यसैगरी, आगो नियन्त्रणमा लिने क्रममा गोरख मल्लको एउटा कच्ची घर भत्काइएको छ ।

राति साढे १२ बजेतिर आगलागि सुरु भएको थियो । स्थानीय खिम्मे लामाको घरमा बालेको दियोबाट आगलागी सुरु भएको र त्यसपछि अन्य घरमा सल्केको प्रहरीले जनाएको छ। 

गमगढी बजारका घरहरु काठैकाठले बनेका र एकअर्कासँग जोडिएकाले आगो नियन्त्रणमा लिन कठिन भएको थियो । 

आगलागीमा मानवीय क्षति भएको छैन । धनमाल कति क्षति भयो भन्नेबारे पनि एकिन विवरण आइनसकेको जिल्ला प्रहरी कार्यालय मुगुका डिएसपी चित्रबहादुर भट्टराईले जानकारी दिए ।

आगलागी गमगढी