प्रधानन्यायाधीश चोलेन्द्र शमशेर जबराले पूर्ण बैठक (फुलकोर्ट) बोलाएका छन्। आजै दिउँसो १ बजेका लागि सर्वोच्च अदालतका न्यायाधीशहरूको पुर्ण वैठक वोलाएका हुन ।

सर्वोच्च अदालतका न्यायाधीश तेजबहादुर केसीका अनुसार दिउँसो  एक बजेका लागि बैठकको समय तय भएको छ । 

बैठकमा गोला प्रथाद्वारा मुद्दा हेर्ने प्रयोजनका लागि आवश्यक नियमावली संशोधन गर्ने, छलफल गर्ने  र निर्देशिका पारित गर्ने फुलकोर्टको कार्यसूची रहेको न्यायाधीश कुमार चुडालले जानकारी दिए।

यसअघि न्यायाधीशहरूले प्रधानन्यायाधीश जबराले बोलाएको फुलकोर्ट बहिष्कार गरेका थिए।

यसैगरी, नेपाल बार एसोसियसनले आकस्मिक बैठक बोलाएको छ । प्रधानन्यायाधीश चोलेन्द्र शमशेर जबराविरुद्ध आन्दोलनरत बारले बिहीबार आकस्मिक बैठक बोलाएको हो । बैठकमा उपत्यकामा उपलब्ध पदाधिकारी, पूर्व पदाधिकारी र सल्लाहकार सिमितिका सदस्यलाई बोलाइएको छ । 

आज बारको प्रदर्शनका क्रममा प्रहरीले बल प्रयोग गरेको थियो । कानुन व्यवसायी र प्रहरीबीच धकेलाधकेल हुँदा बार अध्यक्ष चण्डेश्वर श्रेष्ठसहित दुई जना कानुन व्यवसायी घाइते भएका थिए । बारको आन्दोलनमा प्रहरीले बल प्रयोग गरेपछि आगामी रणनीतिक तय गर्न बैठक बोलाइएको बताइएको छ । बैठकले थप रणनीति बनाउने छ ।