संसारको कुनै पनि कम्पनीले नक्कल गर्न नसकेको अमेरिकी एयरक्राफ्ट इन्जिन फ्यानसँग सम्वन्धित टेक्नोलोजी चोर्ने प्रयासमा एक चीनियाँ नागरिक दोसी ठहर्याईएका छन् । जियाङ्सु प्रान्तस्थित विदेशी गुप्तचर कार्यालयका अधिकारी सु यान्जुनलाई उक्त आरोपमा दोषी ठहर गरिएको हो ।

अमेरिकाको कानुन मन्त्रालयले जारी गरेको एक विज्ञप्ति अनुसार ति चीनियाँ नागरिकले जीई एभिएसनको विशेष कम्पोजिट एयरक्राफ्ट इन्जिन फ्यानसँग सम्बन्धित टेक्नोलोजी चोरी गर्ने प्रयास गरेका थिए ।

यसैगरी, उनले अमेरिकी र फ्रान्सेली एरोस्पेस फर्महरूबाट प्रविधि चोर्ने कथित राज्य–समर्थित प्रयासमा आर्थिक जासुसी गरेको आरोप अमेरिकी सङ्घीय अदालतले ठहर छ।

सु यान्जुनलाई सिनसिनाटी अदालतमा आर्थिक जासुसी गर्ने षड्यन्त्र र प्रयास गरेको दुई वटा मुद्दा तथा व्यापारमा गोप्य चोरीसँग सम्बन्धित अर्को मुद्दामा दोषी ठहर गरिएको हो।

आर्थिक जासुसीको आरोपमा प्रत्येकलाई अधिकतम १५ वर्षको जेल र ५० लाख डलरसम्म जरिवाना हुन्छ, जबकि अन्य आरोपमा १० वर्षसम्मको जेल सजाय हुन्छ।

विश्वको अग्रणी विमान इन्जिन निर्माता कम्पनीहरूमध्येको एक, सिनसिनाटीमा रहेको जीई एभिएसन र फ्रान्सको सफारान समूहबाट प्रविधि चोर्ने पाँच वर्षे योजनामा संलग्न भएको अभियोगमा अक्टोबर २०१८ मा नाम दिइएको दुई गुप्तचर अधिकारीसहित ११ चिनियाँ नागरिकमध्ये सु एक थिए। जुन इन्जिन विकासमा जीईसँग काम गरिरहेको थिए।

सुले विभिन्न उपनामहरू प्रयोग गर्दै, ‘कम्पनीहरूको लागि काम गर्ने विशेषज्ञहरू पहिचान गरे र उनीहरूलाई चीन भ्रमण गर्न भर्ती गरेको’ विज्ञप्तिमा उल्लेख छ। 

जीई एभिएसनको विशेष कम्पोजिट एयरक्राफ्ट सु यान्जुन