चीनको राष्ट्रपति शि चिन फिङ सरकारसँग जोडिएका वरिष्ठ नेताले आफुाथि यौन दुर्ब्यवहारको आरोप लगाएकी महिला टेनिस खेलाडी पेङ शुआई सम्पर्क विहिन भएकी छिन् ।

पेङले गत नोभेम्बर २ तारिखमा सामाजिक संजाल वेबोमार्फत आफुलाई चीनका एक जना उच्च राजनीतिज्ञले यौन दुर्व्यवहार गरेको खुलासा गरेकी थिइन् । उनले आरोप लगाएका नेता चीनका पूर्व भाइस प्रिमियर झाङ गाओली हुन । पेङले गाओलीले उनलाई ७ वर्ष पहिले र बिचमा ३ वर्ष अघि जबरजस्ती यौन सम्बन्ध बनाउन दबाब दिएको आरोप लगाएकी थिइन् । उनको आरोपमा  गाओलीकी श्रीमतिले पनि साथ दिएको उनको आरोप थियो ।

तर उनको पोस्टलाई पछि डिलट गराईएको थियो । पेङको पोस्ट वेइबोमा एपबाट डिलिट भए पनि  विभिन्न सञ्चारमध्यमले उक्त पोस्टको स्क्रिनसट भने राखेका थिए । यता पूर्व उपप्रधानमन्त्री गाओलीले भने यस विषयमा कुनै पनि  प्रतिक्रिया दिएका छैनन् । 

यो घट्नापछि चीनमा ‘मि–टु’ आन्दोलन चर्केको थियो । ‘मि टु’ आन्दोलनले चीनको सत्तारुढ कम्युनिष्ट पार्टीका र्शीर्ष नेतामा प्रहार गरेको यो पहिलो घटना हो । त्यसपछि पेङ सार्वजनिक रुपमा देखिएकी छैनन् । उनको सुरक्षा र वर्तमान अवस्था सार्वजनिक गर्न दबाब बढीरहेको छ ।

स्रोतका अनुसार चीन सरकारले उनको आवाजलाई दबाउन खोजिरहेको छ  । अर्कोतर्फ, पेङ  हराएको समाचार बाहिरिएपछि ट्विटरमा हयासट्याग ‘होयर इज पेङ शुआइ’ट्रेन्ड चलिरहेको छ । जसले गर्दा चिन सरकारले दबाउन खोजेको मुद्धा अन्तराष्ट्रिय करण भइरहेको छ ।

पेङ हराएको विषयमा जापानी टेनिस स्टार नाओमी ओसाकाले चिन्ता व्यतm गर्दै ट्वीट गरेकी छिन्। ‘ह्वेर इज पेङ शुआई’ ट्याग गर्दै उनले पेङ हराएको समाचारले आफु स्तब्ध भएको  र पेङको आवाज दबाउन खोज्नु सरासर गतल भएको बताएकी छिन्। उनले पेङ र पेङको परिवारको सुस्वाथ्यको समेत कामना गरेकि छिन् ।

त्यस्तै, विश्व नम्बर एक नोभाक जोकोभिचले पनि एक पत्रकार सम्मेलनमा बोल्दै  पेङको घटना  स्तब्ध वनाउने खालको भएको बताएका छन । त्यस्तै महिला टेनिस संघ डब्ल्यूटिएले पेङको आरोपको पूर्ण निष्पक्ष, पारदर्शी  र बिना सेन्सरको छानबिन गर्न आहवान गरेको छ ।

तर, चीनिया सञ्चार माध्यमहरुले भने पेङ आफनै घरमा सुरक्षित रहेको भन्दै खबरहरु प्रकाशित गरिरहेका छन् । चीनको सरकारी सञ्चारमध्यम सिजिटिएनले  पेङले लेखेको भन्दै एक इमेलद्वारा प्राप्त चिठी प्रकाशित गरेको थियो। तर, नागरिक र अन्तराष्ट्रिय सञ्चारमध्यमहरुले त्यो कुरालाई पत्याइरहेका छैनन् ।