नेकपा एमालेका केन्द्रीय सदस्य तथा डोल्पा जिल्ला इन्चार्ज विष्णु रिजालले कांग्रेससँग हिम्मत भए चुनाव घोषणा गरेर सिंगल–सिंगल भिड्न चुनौति दिएका छन् । रिजालले नपाली कांग्रेसका नेता गगन थापालाई लक्षित गरेर यस्तो चुनौती दिएका हुन ।

कांग्रेस नेता गगन थापाले सिंगल–सिंगल भिडेर एमालेलाई कुचो र भ्याकुम लगाएर बढार्ने बताएका थिए । त्यसलाई जवाफ दिदै एमाले विदेश विभाग उपप्रमुख समेत रहेका रिजालले विगतमा एमाले मुक्त देश बनाउने भनेका विमलेन्द्र निधी आफैं मधेशमुक्त भएको वताए ।

उनले गगन थापाको चुनौति पनि स्वीकार्य रहेको बताएका छन् । ‘अहिले फेरि कांग्रेस सरकारमा हुँदा गगन थापाजीले ‘चुनावमा एमालेलाई कुचो र भ्याकुम लगाएर बढार्छौं’ भनेछन् । अध्यादेश ल्याएर एमाले फुटाउँदा पनि यसलाई हराउन सकिंदैन भन्ने हतासा यसैबाट स्पष्ट हुन्छ’ उनले भने–‘हाम्रो चुनौती छ– चुनाव घोषणा गरौं र हिम्मत छ भने ‘सिंगल–सिंगल’ भिडौं । अन्यथा सार्वजनिक खपतका लागि गरिने यस्ता उत्तेजक भाषणले हामीलाई रौं बराबर फरक पार्दैन भन्ने बुझे हुन्छ ।’

विष्णु रिजाल गगन थापा