भारतको छत्तीसगढमा एक प्रहरीले आफनै चार जना साथीको गोली हानी हत्या गरेका छन् ।

सुकमा जिल्लास्थित केद्रीय रिजर्व पुलिस बल (सीआरपीएफ)मा सोमबार बिहान साढे ३ बजेतिर एके–४७ राइफलबाट गोली चलेको थियो । गोली प्रहारबाट चार जनाको ज्यान गएको जनाईएको छ ।

हिन्दुस्तान टाइम्सकाअनुसार तीन जना अझै घाइते छन् । गोली प्रहार गर्ने प्रहरी जवानलाई प्रहरीले नियन्त्रणमा लिएको छ। 

घाइते प्रहरीलाई स्थानीय अस्पतालमा भर्ना गरिएको छ । उनीहरूको उपचार जारी रहेको समाचारमा जनाइएको छ ।