तत्कालीन राष्ट्रिय जनता पार्टी (राजपा) नेपालबाट अलग भएका नेता हृदायश त्रिपाठीले जनता प्रगतिशील नेपाल पार्टी घोषणा गर्ने भएका छन् । मङ्सिर अन्तिम साता एक कार्यक्रमको आयोजना गरी नयाँ पार्टी घोषणा गर्ने त्रिपाठीको तयारी छ।

पार्टीमा तत्काल त्रिपाठी मात्र संयोजक रहने छन् । आफ्नो समूह बाहेकका व्यक्तिहरू पनि नयाँ पार्टीमा आउने भएकाले अहिले नै कमिटी विस्तार नगर्ने उनले वताएका छन् । नयाँ पार्टी घोषणा भइसकेपछि कमिटी विस्तार गर्ने त्रिपाठीको योजना छ।

गत निर्वाचनमा स्वतन्त्र राजनीतिक समूहका उनी लगायत नेताहरुले एमालेको सूर्य चुनाव चिन्हबाट प्रदेशसभा र प्रतिनिधि सभा चुनाव लडेका थिए । प्रतिनिधिसभामा त्रिपाठी र वृजेश गुप्ता तथा प्रदेशसभामा एक जनाले चुनाव जितेका थिए। 
 

हृदायश त्रिपाठी