आफनो पार्टी फुट्नुमा सभामुखलाई दोष दिदै आएको नेकपा एमाले सभामुखको राजिनामा मागेको छ। एमाले महासचिव शंकर पोखरेलले सभामुखले गल्ती सच्याउनुपर्ने वा राजीनामा दिनुपर्ने माग गरेका छन् ।

संसद् बैठकमा जारी अवरोध हटाउन सत्ता पक्षले नै भूमिका खेल्नुपर्ने उनको धारणा छ। शुक्रबार पत्रकार सम्मेलन गर्दै महासचिव पोखरेलले नेकपा एमालेले पदमुक्त गरेका सांसदलाई सभामुखले संरक्षण गरेको वताए । सभामुखले चासो नदिएकै कारण नेकपा समाजावदी गठन भएको भन्दै उनले यस घटनामा सभामुखले गल्ती सच्याउनुपर्ने पोखरेलले बताएका हुन् ।

गल्ती सच्याउन तयार नभए उनले राजीनामा दिनुपर्ने पोखरेलको माग थियो । 

पोखरेलले पुसदेखि एमाले देशव्यापी रुपमा संगठन विस्तारमा केन्द्रित हुने बताए । एमालेमा पुस्तान्तरणबारे उठेको प्रश्नमा उनले एमालेभित्र ८औं महाधिवेशनदेखि नै पुस्तान्तरण सुरु भएको जिकिर गरे ।

बरु अन्य पार्टीले एमालेको निर्णय पछ्याएको उनको दाबी थियो । १०औं महाधिवेशनमा पनि ४५ प्रतिशत नयाँ सदस्य थपिएकाले एमालेमा पुस्तान्तरण पहिले नै सुरु भएको बताए ।

नेकपा एमाले शंकर पोखरेल