जापानमा मास्कमा मोवाईलको फ्ल्यास लाईट प्रयोग गरेर कोरोना भाईरसको परिक्षण गर्न सकिने प्रविधिको विकास भएको छ। जापानको क्योटो प्रिफेक्चुअल युनिभर्सिटीका वैज्ञानिकले यो प्रविधिको विकास गरेका हुन् ।

वैज्ञानिकहरुले वनाएको मास्कले मोबाइलको फ्ल्यास लाइटको माध्यमबाट कोभिड–१९ भए वा नभएको जानकारी दिन्छ । मोबाइलका अतिरिक्त अल्ट्रा भ्वायलेट (परावैजनी) प्रकाशबाट पनि पत्ता लगाउन सकिन्छ । यो मास्कको फिल्टर अस्ट्रिचको कोशिकाबाट बनाइएको छ ।

मास्कको अघिल्लो तहमा एक फिल्टर लगाइएको छ । यसमा एक फ्लोरिसेन्ट स्प्रे लगाइएको छ । यसमा एक एन्टीबडी हुन्छ । जुन भाइरससँगै बन्द हु्न्छ । यदि मास्कमा भाइरसको कण देखियो भने परावैजनी प्रकाश (यूभी) चम्किन्छ । यो मास्क स्मार्टफोनको एलईडी मा चम्किन्छ ।

अनुसन्धानका क्रममा वैज्ञानिकले सबैभन्दाम पहिले कोरोना भाइरस पोथी अस्ट्रिचमा प्रवेश गराएका थिए । त्यसपछि अस्ट्रिचको अण्डाबाट एन्टिबडी निकालेर फ्लोरिसेन्ट स्प्रे तयार पारिएको थियो ।

१० दिनभित्र मास्कको परीक्षण ३२ जना कोरोनाका बिरामीमा गरिएको थियो । जसरी बिरामीमा सुधार आयो त्यसरी नै मास्क चम्किन छोडेको थियो । अबको परीक्षण १५० मानिसमा गरिने लक्ष्य रहेको जनाईएको छ।