वेश्यावृत्तिमा संलग्न रौतहटका क्रसर व्यवसायी कृष्णा यादव नेपाली कांग्रेसको प्रदेश–२ को सभापतिको दावेदार वनेका छन् । उनीसँगै प्रदेश सभापतिमा ३ जनाका दावेदारी देखिएको छ।

प्रदेश–२ का भौतिक पूर्वाधार मन्त्री एवं कांग्रेस संसदीय दलका नेता रामसरोज यादव, कांग्रेस जिल्ला सभापतिहरू सप्तरीका दिनेश यादव, महोत्तरीका महेन्द्रकुमार यादवले पनि प्रदेश सभापतिमा उठ्ने इच्छा देखाएका छन्।

प्रदेश सभापतिका सवै आकांक्षी कांग्रेस उपसभापति विमलेन्द्र निधि निकट मानिन्छन्। उनिहरुसँग जिल्ला हाँकेको अनुभव छ। 

रामसरोज यादव कांग्रेस धनुषाका पूर्व सभापति हुन्। उनी संविधानसभाका सभासद् समेत रहिसकेका छन् । 

महोत्तरीका महेन्द्रकुमार यादव चार पटक जिल्ला सभापति भइसकेका छन्। उनले कांग्रेस नेता सरोज कोइरालाको हातबाट भारतको मधुवनीमा २०२९ सालमा कांग्रेसको सदस्यता लिएका थिए । २०५६ सालमा महोत्तरी–४ बाट प्रतिनिधि सभा सदस्य निर्वाचित उनी त्यतिबेला उद्योग, वाणिज्य तथा आपूर्ति सहायक मन्त्री बनेका थिए।

०४२ सालबाट नेपाली कांग्रेसमा लागेका कृष्णा यादव दुई पटक जिल्ला सभापति भइसकेका छन्। ०७५ फागुनमा दोस्रो पटक रौतहट कांग्रेसको जिल्ला सभापति निर्वाचित भएका उनले निकटतम प्रतिद्धन्दी मोहम्मद महताब आलमलाई ५ मतले पराजित गरेका थिए ।

१२औं जिल्ला अधिवेशनमा पनि सभापतिमा निर्वाचित भएका यादवले मोहम्द महताब आलमलाई नै २ मतको झिनो अन्तरले पराजित गरेका थिए ।

हाल, प्रदेश सभापतिमा दावेदारी प्रस्तुत गरेका यादवको विगत र वर्तमान भने विवादित छ। उनले राजनीतिमा परिवारवाद लादेको आरोप खेपिरहेका छन् । जिल्ला सभापति भएका कारण उनले स्थानीय, प्रदेश र संघीय निर्वाचनमा काका, साला र सम्धीलाई अंश जसरी टिकट वाँडेको आरोप छ।

उनले कम्युनिस्ट (एमाले) पृष्ठभुमीका काका श्याम यादवलाई स्थानीय तह निर्वाचनमा गढिमाई नगरपालिकाको टिकट दिएर मेयर वनाए । यसैगरी, सालो सुनिल यादवलाई गरुडा नगरपालिकाको मेयर र सम्धी रामनारायण यादवलाई रौतहट क्षेत्र नं. ३ वाट सांसदको टिकट दिलाएका थिए । तर, सालो र सम्धीले भने चुनाव जित्न सकेनन् । ०६४ मा संविधानसभा सदस्य भएका उनी स्वयम् पनि दुई पटक चुनाव लडेका छन् ।

वेस्यावृत्तिवाट छुटेर बाग्मतीको वलात्कार
संविधान सभा सदस्य हुँदा उनी वेस्यावृत्तिमा संलग्न भएको आरोपमा ठमेलवाट रङ्गेहात पक्राउ परेका थिए। प्रहरीको हात लागि सकेका यादव सभाषद भएको खुलेपछि विनासर्त प्रहरीले छोडको थियो । पद तथा पैसाको वलमा उक्त घट्ना पनि ढिसमिस पारेको कांग्रेस कार्यकर्ताहरु नै वताउँछन् ।
 
सोही घट्नासँग जोडेर अहिले पनि उनलाई ब्यंग्य गर्ने गरिएको छ। वेस्यावृत्तिमा वानि परेका उनी अहिले वाग्मतीको वलात्कारमा लागेको स्थानीयहरु वताउँछन् । गढिमाई नगरपालिकाका मेयर तथा काका श्याम यादवसँग मिलेर उनले वाग्मती किनारमा क्रसर उद्योग सञ्चालन गरेपछि ‘वाग्मती वलात्कार’ गरेको आरोप लाग्न थालेको हो । अहिले नगरपालिकाकै संरक्षणमा उनको क्रसर अवैद्य रुपमा सञ्चालन भईरहेको स्रोतको दावी छ। 

क्रसर मार्फत अवैद्य रुपमा खोला उत्खनन र निकासीका कारण जनजीवन र वातावरणमा प्रतिकूल प्रभाव पर्दा समेत नगरपालिकाले वेवास्ता गरेको स्थानीयवासी वताउँछन् ।

क्रसरका कारण पानीको स्रोत सुकेको छ । खाने पानीको समेत हाहाकार भएको स्थानीय वताउँछन् । आवश्यक समयमा खेती गर्ने पानीको समेत अभाव हुने र वर्षामा वाढिका कारण हजारौं हेक्टर खेतीयोग्य जमिन वाढिले पुर्ने गरेको उनीहरुको भनाई छ।

नेपाली काँग्रेस कृष्णा यादव