धादिङको थाक्रे गाउँपालिकामा मोटरसाइकल र ट्रक ठोक्किएर आगलागी हुँदा मोटरसाईकलमा रहेका वावु छोराको मृत्यु भएको छ ।

दुर्घटनामा नीलकन्ठ नगरपालिका ३ का बलराम अधिकारी र उनको छोरा डा. सुरेश अधिकारी रहेको मृत्यु भएको हो । 

पृथ्वी राजमार्गअन्तर्गत थाक्रे –८ स्थित चार किला नजिकै दुर्घटना भएको इलाका प्रहरी कार्यालय खानिखोलाले जनाएको छ । प्रहरीका अनुसार काठमाडौंतर्फ जाँदै गरेको बा प्र ३ ०२ ००९प ८२३० नम्बरको मोटरसाइकल विपरीत दिशाबाट आउँदै गरेको ना १ क ६५४७ नम्बरको ट्रकसँग ठोक्किएर दुर्घटना भएको हो। 

दुर्घटना लगत्तै मोटरसाईकलमा आगो लागेको थियो। मोटरसाइकलमा आगो लागेपछि स्थानीयले निभाउने प्रयास गरेपनि सफल नभएका कारण बावु–छोराको जलेर मृत्यु भएको प्रहरीले जनाएको छ ।