नेपाली कांग्रेसका वरिष्ठ नेता रामचन्द्र पौडेलले उनले प्रतिनिधि सभा विघटनको उपचार प्रतिनिधि सभाको पुनर्स्थापना मात्रै रहेको वताएका छन् ।

तनहुँको दमौलीमा भ्रातृ संस्थाले आयोजना गरेको विरोध सभामा बोल्दै उनले देशलाई पद्दती र ट्रयाकमा ल्याउन एउटै मात्र विकल्प संसद पुनर्स्थापना नै भएको वताएका हुन् ।

संसद पुनर्स्थापना नै अन्तिम र एकमात्र विकल्प भएकाले कांग्रेस यसमा स्पष्ट हुनुपर्ने पौडेले प्रस्टाए । ‘कांग्रेस यसमा द्विविधामा हुनु हुन्न, म सारा पार्टीका कार्यकर्तालाई प्रतिगमनविरुद्ध एक हुन आह्वान गर्छु’– उनले भने।

सर्वोच्च अदालतले संसद पुनर्स्थापना गर्ने पौडेलले दाबी गरे। आशाको एक मात्र ठाउँ अदालत रहेको उनको भनाई छ । ‘जनताका प्रतिनिधिलाई फेस गर्न नसकेर प्रधानमन्त्रीले सनक भरमा प्रतिनिधि सभा भंग गरे’ उनले भने,‘अब आशाको ठाउँ एक मात्र बाँकी छ । अदालतले पुनर्स्थापना गर्छ र अवैधानिक कदमलाई वैधानिक बनाउँछ ।’

पौडेलले प्रतिनिधि सभा विघटनमा प्रधानमन्त्री मुख्य दोषी भएको भन्दै त्यसमा राष्ट्रपतिको पनि भूमिका रहेको जिकिर गरे ।