झापामा पुरुषमाथि अप्राकृतिक करणी गरेको आरोपमा पक्राउ परेका २ जना आरोपी रिहा भएका छन् । कनकाई नगरपालिका–७ का ३० वर्षीय पुरुषमाथि बिरीङ खोला किनारमा अप्राकृतिक करणी भएको हो ।

करणीमा संलग्न भएको आरोपमा प्रहरीले कनकाई नगरपालिका ६ निवासी १९ वर्षीय पारस तामाङ र सोही नगरपालिका ७ निवासी २१ वर्षीय विनोद टुडुलाई पक्राउ गरेको थियो । पक्राउ परेका उनीहरुलाई प्रहरीले सामान्य सोधपुछपछि छाडिएको छ ।

अदालतले म्याद थप गर्न नमानेपछि प्रहरीले उनीहरुलाई छोडेको हो । 

शनिवार भएको यो घटनापछि पीडित पुरुष भने उपचारका लागि झापाकै विर्तामोडस्थित विर्तासिटी अस्पताल भर्ना भएका छन् ।

अप्राकृतिक करणीमा १८ वर्ष मुनिका बालकलाई मात्रै कारबाही गर्न मिल्ने कानूनी व्यवस्था मुलुकी अपराध संहितामा छ । यो घटनामा पीडित पुरुष ३० वर्ष पुगेकाले मुद्दा नचलेको हो ।

जिल्ला प्रहरी कार्यालय, झापाका अनुसार पुरुषमाथि अप्राकृतिक करणी भएको सूचना आएपछि अनुसन्धान गर्न इलाका प्रहरी कार्यालय, विर्तामोडबाट टोली गएको थियो । र, अनुसन्धानका लागि दुवैलाई पक्राउ गरिएको थियो ।

अदालत मुलुकी अपराध संहिता अप्राकृतिक करणी