बैतडीको दोगडाकेदार गाउँपालिका–७ की १७ वर्षीया किशोरी भागरथी भट्टको हत्या आरोपमा पक्राउ परेका युवकलाई प्रहरीले म्याद थपको तयारी गरेको छ ।

म्याद थपका लागि जिल्ला अदालतमा पेस गर्ने तयारी भइरहेको प्रहरीले प्रहरीले जनाएको छ । अनुसन्धानमा घटनामा संलग्नता पाईएपछि प्रहरीले स्थानीय दिनेश भट्टलाई हिजो पक्राउ गरेको थियो । उनी भागरथीका छिमेकी तथा एउटै विद्यालयमा पढ्ने साथी समेत रहेको खुलेको छ ।

अनुसन्धानका लागि उनलाई आजै पत्रकार सम्मेलनमार्फत सार्वजनिक गरिने सुदूरपश्चिम प्रदेश प्रहरीका प्रवक्ता एसएसपी मुकेश सिंहले जानकारी दिए ।

स्थानीय सनातन धर्म माध्यमिक विद्यालयको कक्षा–१२ मा अध्ययनरत् भागरथी गएको माघ २१ गते साँझसम्म विद्यालयबाट घर फर्केकी थिइनन् । उनी २२ गते बिहान कच्ची सडकको ५० मिटर भित्री क्षेत्रमा मृत अवस्थामा फेला परेकी थिइन् । अनुन्धानका क्रममा घटनामा दिनेशको घट्नामा स्विकारेको पनि प्रहरीले जनाएको छ । 

भागरथी भट्ट हत्या प्रहरी अदालत वलात्कार