स्वास्थ्य तथा जनसंख्या मन्त्री हृदयेश त्रिपाठीले दुई हप्ताभित्र कोरोना विरुद्धको २० लाख डोज खोप नेपाल आईसक्ने वताएका छन् ।

बिहीबार मन्त्रालयमा आयोजित पत्रकार सम्मेलनमा बोल्दै त्रिपाठीले भने खोप सहुलियत दरमै आउँने र त्यसको प्रकृया पुरा भएको वताए ।

माघ ८ गते भारत सरकारले १० लाख डोज खोप अनुदानमा दिएको थियो । 

सरकारले कोरोना विरुद्धको खोप खरिद गर्न भारतको सेरम इष्टिच्युट अफ इन्डियालाई ९३ करोड रुपैयाँ अग्रिम भुक्तानी समेत दिएको छ । वुधवारको मन्त्रिपरिषद बैठकले खोप खरिद गर्न अग्रिम भुक्तानी दिने निर्णय गरेको थियो । 

स्वास्थ्य शेवा विभागका महानिर्देशक डा. दीपेन्द्ररमण सिंहले सरकारको निर्णयअनुसार सेरमलाई रकम भुक्तानी दिएको बताए । सेरमले दुई हप्ताभित्र खोप पठाउने बताएको छ र उक्त खोप आएपछि फागुन २३ गतेदेखि ६० वर्षमाथिका नागरिकलाई खोप लगाउन सुरु गर्ने स्वास्थ्य तथा जनसंख्या मन्त्री हृदयेश त्रिपाठीले बताएका छन् ।

उनका अनुसार सेरम इन्ष्टिच्युटसंग प्रतिखोप ४ डलरका दरले सहुलियतमा खोप उपलब्ध गराउने सहमति भएको छ । खोप दुई चरणमा १०/१० लाख डोज उपलब्ध गराउने सेरम इन्ष्टिच्युट अफ इन्डियाको प्रतिवद्धता छ । नेपालको भण्डार क्षमता कम भएकाले एकै पटक खोप आयात गर्दा समस्या हुने स्वास्थ्य मन्त्रालयका अधिकारीहरु बताउँछन् ।

स्वास्थ्य मन्त्री हृदयेश त्रिपाठी कोरोना विरुद्धको खोप सेरम इष्टिच्युट अफ इन्डिया