राष्ट्रिय महिला लिगमा एपीएफलाई च्याम्पियन बनाउन उत्कृष्ट प्रदर्शन गरेकी सरु लिम्बु सर्वाेत्कृष्ट खेलाडी बनेकी छिन् ।

शुक्रबार लिगको अन्तिम खेलमा एपीएफले आर्मीलाई ३–० ले पराजित गरेको थियो । एपीएफले शतप्रतिशत नतिजासहित लिग उपाधि जितेको हो ।

व्यक्तिगततर्फ नेपाल पुलिसकी उषा नाथ उत्कृष्ट गोलकिपर र अमृता जैसी उत्कृष्ट डिफेण्डर, आर्मीकी विमला चौधरी उत्कृष्ट मिडफिल्डर तथा एपीएफकी सावित्रा भण्डारी उत्कृष्ट फरवार्ड घोषित भए । एपीएफकै भगवती थापा उत्कृष्ट प्रशिक्षक घोषित भइन् ।

लिगमा विजेता एपीएफले १५ लाख तथा उपविजेता  त्रिभुवन आर्मी क्लबले ८ लाख, तेस्रो नेपाल पुलिस क्लबले ५ लाख र चौथो वालिङ नगरपालिकाले ३ लाख रुपैयाँ पुरस्कार पाएका छन्।

यसैगरी, फियर प्ले अवार्ड चन्द्रपुर नगरपालिकाले १ लाख ५०, विधागततर्फ बेस्ट प्लेअर सरु लिम्बुले (एपीएफ) स्कुटर पाएका छन् ।

यस्तै बेस्ट गोलकिपर उषा नाथ ( नेपाल पुलिस क्लब), बेस्ट डिफेण्डर अमृता जैसी ( नेपाल पुलिस क्लब), बेस्ट मिडफिल्डर विमला चौधरी (आर्मी), बेस्ट फरवार्ड सावित्रा भण्डारी (एपीएफ), बेस्ट कोच भगवती थापा (एपीएफ) घोषित भएका छन् । उत्कृष्ट सबैलाई नगद ५० हजार प्रदान गरिएको छ ।

एपीएफ राष्ट्रिय महिला लिग च्याम्पियन सर्वाेत्कृष्ट खेलाडी