रामेछापको मन्थली नगरपालिका–१ मच्छेडाडीमा सेतीदेवी माध्यमिक विद्यालयका विद्यार्थी बोकेको बस पल्टिएको छ। हो। स्काउट विद्यार्थीसहित ५३ जना वोकेको बा ५ ख २८५७ नम्बरको बस शुक्रबार बिहान करिव ८ वजे पल्टिँदा १८ जना घाइते भएका छन्।

मन्थलीबाट सालुस्थित राष्ट्रपति रनिङ सिल्ड प्रतियोगिताका लागि जादै गरेको वस पल्टिएको जिल्ला प्रहरी कार्यालयले जनाएको छ ।

तिव्र गतिमा रहेका कारण वस पल्टिएको प्रहरीको भनाई छ । विपरित दिशावाट ट्रयाक्टर आएको देखेपछि साइड दिने क्रममा सडकमै वस पल्टिएको जनाईएको छ ।

घाईते मध्ये ४० वर्षीय दुर्गा पौडेल, १७ वर्षीय दिलकुमार पाण्डे, १७ वर्षीया प्रतिक्षा घिमिरे र १६ वर्षीया स्वस्तिका काफ्लेलाई भक्तपुरस्थित मध्यपुर ठिमी अस्पतालमा रिफर गरिएको छ। अन्यको अवस्था सामान्य रहेकाले रामेछापमै उपचार भइरहेको छ।