निर्वाचन आयोगमा पार्टीको आधिकारिकता दाबी गर्ने विषयमा छलफल गर्न नेकपाको प्रचण्ड–माधव समूहले केन्द्रीय कमिटी पेरिसडाँडामा वस्न लागेको छ ।

पार्टीको आधिकारिकता दाबी, निर्वाचन आयोगमा आफूहरुको उपस्थिति सर्वोच्च अदालतले गर्न सक्ने फैसलालगायतका बारेमा छलफल गर्न वैठक वोलाईएको नेता लीलामणि पोखरेलले वताए।

वैठकमा सबै सदस्यलाई नागरिकता र पार्टीको परिचयपत्र लिएर पेरिसडाँडामा उपस्थित हुन निर्देशन छ। बहुमत सदस्यको नागरिकता र पार्टीको परिचयपत्र बोकेर दुई अध्यक्ष पुष्पकमल दाहाल प्रचण्ड र माधवकुमार नेपालसहितका नेताहरु आज नै आयोग जाने तयारी छ ।

प्रतिनिधिसभा विघटनपछि चौथो चरणको आन्दोलनमा रहेको प्रचण्ड–माधव समूहले निर्वाचन आयोगमा वैधानिकताका लागि निवेदन दिएको छ । तर आयोगले यसबारे कुनै चासो नदेखाएको भन्दै प्रचण्ड–नेपाल समूह असन्तुष्ट छ ।
 
गएको पुस ५ गते प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा भङ्ग गरेपछि नेकपाको प्रचण्ड–माधवसमूह असन्तुष्ट छ ।

निर्वाचन आयोग सर्वोच्च अदालत प्रधानमन्त्री केपी शर्मा ओली पार्टीको आधिकारिकता प्रचण्ड–माधव समूह