प्रधानमन्त्री तथा नेकपा अध्यक्ष केपी शर्मा ओलीले बुधबार बिहान ११ बजे बालुवाटारमा स्थायी कमिटी बैठक बोलाएका छन् । सर्वोच्च अदालतले मंगलबार प्रतिनिधिसभा पुनःस्थापनाका पक्षमा पैसला गरेपछि ओलीले आफ्नो समूहको स्थायी कमिटी बैठक बोलाएका हुन् ।

सर्वोच्चको फैसलापछि प्रधानमन्त्री ओलीले त्यस सम्वन्धमा कुनै प्रतिक्रिया दिएका छैनन् । तर मंगलबार साँझ उनका प्रेस सल्लाहकार सूर्य थापाले प्रधानमन्त्रीले तत्काल राजीनामा नदिने बताएका थिए ।

सोहि सेरोफेरोमा रहेर बैठकमा आगामी रणनीतिबारे छलफल हुने बताइएको छ । प्रधानमन्त्रीले प्रतिनिसभाको सामना गरेर नै फैसला कार्यान्वयन गर्ने प्रेस सल्लाहकार थापाले प्रतिक्रिया दिएका थिए । संसद् पुनःस्थापना गर्ने सर्वोच्च अदालतको फैसलालाई विवादास्पद भन्दै थापाले यसका दुष्प्रभावहरु देखिँदै जाने र राजनीतिक समस्याहरु हल हुन नसक्ने र अस्थिरता अझ बढ्ने पनि बताएका थिए ।

यसैबीच प्रचण्ड–माधव पक्षले पनि बुधबार अपरान्ह ४ बजे सिंहदरबारमा संसदीय दलको बैठक बोलाएको छ । दाहाल–नेपाल पक्षकी सांसद रेखा शर्माले समसामयिक विषयमा छलफल गर्नका लागि बैठक बोलाइएको जानकारी दिइन् । 

दाहाल–नेपाल समूहले यसअघि नै पुस ९ गते ओलीलाई हटाएर संसदीय दलको नेतामा दाहाललाई निर्वाचित गरेको थियो ।

स्थायी कमिटी बैठक सर्वोच्चको फैसला अदालतको फैसलालाई विवादास्पद