प्रतिनिधिसभा विघटनको मुद्दामाथि सर्वोच्च अदालतको  संवैधानिक इजलासमा भईरहेको सुनुवाइमा रिट निवेदकका कानुन व्यवसायीहरूमध्ये गीत गाएर राखेको सवालमा महान्यायाधिवक्ता अग्निप्रसाद खेरेलले पनि गीतवाटै जवाफ दिएका छन् ।

रिट निवेदकका कानुन व्यवसायी गोपालकृष्ण घिमिरेले दुई–दुई संविधानसभाले संविधान निर्माण गरेको तर ‘न बिर्से तिमिलाई न पाए तिमिलाई’ भनेर गीत भनेका थिए ।

त्यसको जवाफमा खरेलले त्यो गीत नभएर रिट निवेदकहरूलाई ‘नाइँ मलाई त्यै केटी चाहिन्छ’ भन्ने गीत सुहाउने बताए । रिट निवेदकहरूले हठ गरिरहेकाले निवेदकका कानुन व्यवसायीले भनेको भन्दा पनि आफूले भनेको गीत सुहाउने खरेलको भनाइ थियो । जनतामा जान हिम्मत नभएर रिट निवेदकहरू ‘नाइँ मलाई त्यै केटी चाहिन्छ’ भनेझै ‘नाइँ मलाई त्यै संसद् चाहिन्छ भनिरहनुभएको छ,’ खरेलले भने ।

वरिष्ठ अधिवक्ता शम्भु थापाले सायरी भनेका थिए । उनले मिर्जा गालिबको ऊर्दू सायरी इजलासमा सुनाएका थिए ।
‘जला है जिस्म जहाँ दिल भी जल गया होगा,
कुरेदते हो जो अब राख जुस्तुजू क्या है’

संसद नै म¥यो भने बाँकी केही रहँदैन भन्दै आयसमा उनले उक्त सायरी गाएका थिए । महान्यायाधिवक्ता खरेलले गीतको जवाफमा गीत भनेपछि न्यायाधीश तेजबहादुर केसीले ‘गीतको जवाफ आयो, सायरीको चाहीँ दिनुहुन्न ?’ भनेर सोधेका थिए ।

खरेलले न्यायाधीशको प्रश्नको जवाफ भने दिएनन् ।