जनकपुरमा प्रहरी र वन्दकर्ताविच झडप, प्रहरीले गोली चलायो
वीरेन्द्र रमण
जनकपुर– नेकपा प्रचण्ड–माधव समुहको वन्दका क्रममा जनकपुरमा झडप भएको छ ।
विहान देखि समान्य प्रभाव परेको जनकपुरमा दिउसो आन्दोलनलाई सशक्त बनाउन डिहेका आन्दोलनकारीहरुमाथि प्रहरीले शिव चौकमा हस्तक्षेप गरेको छ ।
प्रहरीले हस्तक्षेप गरेपछि आन्दोलनकारी र प्रहरी बिचमा झडप भएको थियो । सो क्रममा प्रहरीले दर्जन राउण्ड हवाय फायर गरेको छ ।
जनकपुरधामका पसल/बजारहरु बन्द गराउदै हिडेका प्रदर्शनकारीहरु जानकीचौकवाट जनकचौक हुदै शिवचौक पुगेपछि विपरित दिसावाट आइरहेको एक सानो भ्यानमा तोडफोड गर्न थालेका थिए ।
सोहि क्रममा प्रहीले हवाय फायर गरेपछि झडप भएको छ ।
झडपका क्रममा दाहाल÷नेकपा पक्षका केन्द्रीय सदस्य रामचन्द्र झा घाइते भएका छन् । नेता झाको टाउकोमा चोट लागेको छ । झडपका क्रममा केही गाडीमा समेत तोडफोड भएको छ ।
यस्तै, प्रहरीले केही प्रदर्शनकारीलाई नियन्त्रणमा लिएको समेत जनाएको छ । झडपमा परी प्रहरी जवान लालबाबु राय पनि घाइते भएका छन् ।
