सेवाग्राहीसँग १५ हजार घुस लिदै गरेका सप्तरीका एक जना लेखापढि ब्यवसायीलाई अख्तियार दुरुपयोग अनुसन्धान आयोगले पक्राउ गरेको छ ।

आयोग इटहरी स्थित कार्यालयवाट खटिएको टोलीले कञ्चनरुप नगरपालिकास्थित मालपोत कार्यालय कञ्चनपुरवाट लेखापढी व्यवसायी अरुणकुमार यादवलाई शुक्रबार पक्राउ गरेको हो । 

उनले जग्गाको नक्सा मिलाई दिने नाममा सेवाग्राहीसँग १५ हजार घुस लिँदै गरेको अवस्थामा पक्राउ गरिएको अख्तियारका कर्मचारीले जनाएका छन् ।

आयोगले उनीमाथि थप अनुसन्धान गरिरहेको जनाइएको छ ।