बेइजिङ । चीनले वुहान सहर र हिप-हप समूह वू-ताङबीचको स्पष्ट मिश्रणमा चीनको कोरोनाभाइरस प्रकोपप्रति चीनको प्रतिक्रियालाई गिज्याउने बेइजिङस्थित क्यानाडाली दूतावासका कर्मचारीको आदेशमा बनाइएका टी-शर्टविरुद्ध मुद्दा दर्ता गरेको छ ।

विदेश मन्त्रालयका प्रवक्ता वाङ वेनबिनले मंगलबार पत्रकार सम्मेलनका क्रममा क्यानाडाको “घटनाको पूर्ण छानबिन गरि चीनलाई स्पष्ट पार्न” आग्रह गरेका छन् ।

चमेरोको तस्बिर छापिएको टी-शर्ट इन्टरनेटमा अहिले भाइरल भइरहेको छ । उक्त टि-शर्ट प्रकाशित गर्दै कोरोना भाइरस चमेरोबाट नै फैलिएको संकेत गरिएको हो ।

टी-शर्ट निर्माताले चिनियाँ इन्टरनेटमा पोस्ट गरिसकेपछि क्यानाडा दूतावासका स्टाफ सदस्यले ब्याट प्रिन्टसहित टी-शर्ट अर्डर गरेकोको घटनाका विषयमा चीनले आपत्ति जनाएको हो । यो भाइरस चमेरोबाट उत्पत्ति भएको र त्यसपछि वुहान सहरका मानिसहरुमा फैलिएको बताइएको छ ।

कोरोना भाइरस सन् २०१९ को डिसेम्बर अन्तिबाट सुरु भएको थियो । क्यानाडाली मिडियाले यो लोगो न्यू योर्कको हिप-हप समूह वु-टाङ क्लानलाई श्रद्धाञ्‍जलि अर्पण गर्न प्रकाशित गरेको जनाउका छन् ।

चीनको सरकार यो महामारीको स्रोत हो भन्ने आरोपप्रति अत्यन्त संवेदनशील भएको र वुहानमा पहिलो पटक रिपोर्ट गरिएको बेलामा तुरुन्त प्रतिक्रिया दिन असफल भएको भन्दै आलोचना भइरहेको छ ।

उक्त टी-शर्टहरू गर्मी मौसममा अर्डर गरिएको थियो र प्रचलनमा आएका थिएनन् । कोरोना महामारीको उत्पत्तिका विषयमा गत वर्षदेखि दुई मुलुकबीचको सम्बन्ध विवादित बनेको थियो ।