कैलालीमा माटोको ढिस्कोले पुरिएर तीन जनाको मृत्यु भएको छ ।

जानकी गाउँपालिका– ९ पूर्वी खैरीफाँटामा आज ढिस्कोले पुरिएर तीन जनाको मृत्यु तथा दुई जना घाईते भएका छन् ।  

घर पोत्नका लागि माटो लिन गएका बेला ढिस्कोले पुरिएर स्थानीय २० वर्षीया भावना ओड, ३१ वर्षीया गंगा जैगडी र १७ वर्षीया धनसरी विकको मृत्यु भएको इलाका प्रहरी कार्यालय टीकापुरले जनाएको छ । उनीहरुको घटनास्थलमै मृत्यु भएको छ ।  

सोही घटनामा परेर काजल विक र अञ्जु जैगढी घाईते भएका छन । घाइतेको टीकापुर अस्पतालमा उपचार भइरहेको डिएसपी मधुसुदन न्यौपानेले वताए ।